Ҳафтаи бозомузӣ ва семинар-машваратҳо оид ба ҳифзи ҳуқуқҳои рақамӣ

Фонди ҷамъиятии Ташаббуси шаҳрвандии сиёсати Интернет бо мақсади баланд бардоштани савияи дониши шаҳрвандон дар самти бехатарии иттилоотӣ тасмим гирифтааст як қатор давраҳои омузишӣ ва семинар-машваратҳоро дар Тоҷикистон баргузор намояд.

Тули як ҳафта, аз 10 то 16 декабр дар шаҳрҳои Душанбе, Бохтар ва Хуҷанд барои намояндагони ҷомеаи шаҳрвандӣ, воситаҳои ахбори омма ва кормандони мақомоти давлатӣ ва ҳифзи ҳуқуқ аз рӯи барномаҳои таълимии “Мактаби ҳуқуқҳои рақамӣ” ва “Клиникаи рақамӣ” бо иштироки коршиносони ватанӣ ва мутахассисони байналмилалӣ як қатор чорабиниҳои омузишӣ ташкил мегарданд.

Нақшаи чорабиниҳои “Клиникаи рақамӣ”:

Шаҳри Хуҷанд, 11 декабр, Кохи матбуот, ошёнаи 12-ум;

Шаҳри Душанбе, 13 декабр, Академияи ВАО;

Шаҳри Бохтар, 15 декабр, Меҳмонхонаи Леваканд.

Дар доираи семинарҳои якрӯзаи “Клиникаи рақамӣ” мавзӯъҳои беҳдошти рақамӣ дар фазои маҷозӣ, маҳоратҳои амалӣ ва машваратҳо доир ба ҳифзи додаҳои рақамӣ барои таъмини амнияти иттилоотӣ дар кори созмону муассисаҳои ВАО ва ташкилотҳои ҷомеаи шаҳрвандӣ баррасӣ мешаванд.

Нақшаи чорабиниҳои “Мактаби ҳуқуқҳои рақамӣ:

Шаҳри Хуҷанд, 10-12 декабр, Кохи матбуот, ошёнаи 2-юм;

Шаҳри Душанбе, 12-14 декабр, Донишкадаи такмили ихтисоси кормандони сохторҳои қудратии Вазорати Адлия ҶТ;

Шаҳри Бохтар, 14-16 декабр, Меҳмонхонаи Леваканд.

Дар доираи давраҳои бозомӯзии серӯза, намояндагони мақомоти ҳифзи ҳуқуқ ва ҳомиёни ҳуқуқ, роҳу усулҳои баланд бардоштани дараҷаи иттилоотонӣ ва савияи донишҳо оид ба ҳуқуқҳои шаҳрвандон ҳангоми истифода аз технологияи иттилоотиву коммуникатсионии муосирро аз худ мекунанд.

Дар баробари коршиносони ватанӣ, дар семинарҳо мутахассисон ва тренерҳои байналмилалӣ аз Қазоқистон ва Федератсияи Русия, иштирок менамоянд.

Давраҳои бозомузӣ дар ҳамкорӣ бо Донишкадаи такмили ихтисоси кормандони мақомоти ҳифзи ҳуқуқ, мақомоти адлия ва хадамоти ҳуқуқии корхонаҳо, муассисаҳо ва ташкилотҳои Вазорати адлияи Ҷумҳурии Тоҷикистон, Фонди ҷамъиятии ГИИП (Қирғизистон), SecDev Foundation (Канада), ва бо дастгирии молиявии Институти Ҷамъияти Кушода “Бунёди Мадад” дар Тоҷикистон баргузор мешаванд.

ИТТИЛОИЯ оид ба семинарҳои “Клиникаи рақамӣ”

Фонди ҷамъиятии Ташаббуси шаҳрвандии сиёсати Интернет бо мақсади баланд бардоштани савияи дониши амнияти иттилоотӣ ва таъмини амнияти иттилоотӣ дар созмону муассисаҳои ВАО ва намояндаҳои ҷомеаи шаҳрвандӣ давраҳои омӯзишии “Клиникаи рақамӣ”-ро баргузор мекунад.

Дар доираи ин семинарҳои якрӯза мавзӯъҳои беҳдошти рақамӣ дар фазои маҷозӣ, маҳоратҳои амалӣ ва машваратҳо барои ҳифзи додаҳои рақамӣ баррасӣ мешаванд.

Дар баробари коршиносони ватанӣ, дар семинарҳо мутахассисон ва тренерҳои байналмилалӣ монанди Арман Абдрасилов – директори ЦАРКА (Қазоқистон), Асомиддин Атоев – директори Лоиҳаи минтақавии CyberSAR (Қирғизистон), Виталий Казантсев – директори ширкати ҳуқуқии IT-Law (Қазоқистон), Денис Легезо – мутахассиси Озмоишгоҳи Касперский, Саркис Дарбинян – директори иҷроияи Маркази ҳуқуқҳои рақамӣ (Федератсияи Русия), Татугул, Мамбеталиева, директори Фонди ҷамъиятии ГИИП (Қирғизистон) иштирок менамоянд.

 

Сана ва макони баргузории давраҳои омӯзишии “Клиникаи рақамӣ”:

Шаҳри Хуҷанд. 11 декабр, Кохи матбуот, ошёнаи 12-ум;

Шаҳри Душанбе. 13 декабр, Академияи ВАО;

Шаҳри Бохтар. 15 декабр, Меҳмонхонаи Леваканд.

 

Семинарҳо дар ҳамкорӣ бо Фонди ҷамъиятии ГИИП (Қирғизистон) ва бо дастгирии Институтҳои ҷомеаи кушода ва SecDevFoundation баргузор мешаванд.

 

 

ИТТИЛОИЯ оид ба семинарҳои “Мактаби ҳуқуқҳои рақамӣ”

Фонди ҷамъиятии Ташаббуси шаҳрвандии сиёсати Интернет ва Донишкадаи такмили ихтисоси кормандони мақомоти ҳифзи ҳуқуқ, мақомоти адлия ва хадамоти ҳуқуқии корхонаҳо, муассисаҳо ва ташкилотҳои Вазорати адлияи Ҷумҳурии Тоҷикистон барои намояндагони мақомоти ҳифзи ҳуқуқ ва ҳомиёни ҳуқуқ давраҳои бозомӯзии “Мактаби ҳуқуқҳои рақамӣ”-ро баргузор мекунанд. Ин давраҳои бозомӯзии серӯза дар шаҳрҳои Хуҷанд, Душанбе ва Бохтар баргузор шуда, иштирокдорони он роҳу усулҳои баланд бардоштани дараҷаи иттилоотонӣ ва савияи донишҳо оид ба ҳуқуқҳои шаҳрвандон ҳангоми истифода аз технологияи иттилоотиву коммуникатсионии муосирро аз худ мекунанд.

Интизор меравад, ки дар баробари коршиносони ватанӣ, дар “Мактаби ҳуқуқҳои рақамӣ” мутахассисон ва тренерҳои варзида аз ИДМ, монанди Арман Абдрасилов – директори ЦАРКА (Қазоқистон), Асомиддин Атоев – директори Лоиҳаи минтақавии CyberSAR (Қирғизистон), Виталий Казантсев – директори ширкати ҳуқуқии IT-Law (Қазоқистон), Денис Легезо – мутахассиси Озмоишгоҳи Касперский, Саркис Дарбинян – директори иҷроияи Маркази ҳуқуқҳои рақамӣ (Федератсияи Русия), Татугул, Мамбеталиева, директори Фонди ҷамъиятии ГИИП (Қирғизистон) иштирок намоянд.

 

Сана ва макони баргузории давраҳои бозомӯзии “Мактаби ҳуқуқҳои рақамӣ”:

Шаҳри Хуҷанд. 12-14 декабр, Кохи матбуот, ошёнаи 2-юм;

Шаҳри Душанбе. 14-16 декабр, Академияи ВАО;

Шаҳри Бохтар. 14-16 декабр, Меҳмонхонаи Леваканд.

Семинарҳо дар ҳамкорӣ бо Фонди ҷамъиятии ГИИП (Қирғизистон) ва бо дастгирии Институтҳои ҷомеаи кушода ва SecDevFoundation баргузор мешаванд.

 

 

 

 

 

 

Озмун барои дарёфти дастгирии техникӣ ва машварат оид ба амнияти рақамӣ

Фонди Ҷамъиятии “Ташаббуси шаҳрвандии сиёсати Интернет”  барои дарёфти дастгирии техникӣ ва  машварат оид ба  амнияти  рақамӣ озмун эълон менамояд.

Барои иштирок дар озмун фондҳои ҷамъияти ва ВАО-е, ки дар шаҳри Душанбе ҷойгир буда, мехоҳанд савияи ҳуқуқии рақамии худро такмил диҳанд ва сатҳи ҳимояи воситаҳои техникии ташкилоташонро баланд бардоранд, даъват карда мешаванд.Дар доираи ин ташаббус, ба ташкилотҳои интихобшуда дастгирии зерин пешниход мешавад:- санҷиши воситаҳои техникӣ барои амнияти рақамӣ;- таҳлилу муайян кардани талаботи техникӣ ва барномаҳои техникӣ;- дастгирии техникӣ ва маслиҳат оид ба амнияти  рақамӣ.  Барои иштирок дар озмун хоҳишмандон метавонанд саволнома (анкета)-ро пур кунанд. Барои дарёфти маълумоти иловагӣ лутфан ба шумораҳои зерин тамос бигиред: 44 600 5121, 44 600 5122, 918 719109. Мӯҳлати пешниҳоди дархостҳо  то  20 ноябри соли 2018 мебошад. Озмуни мазкур аз ҷониби Институти Ҷомеаи Кушода – Бунёди Мадад дар Тоҷикистон маблағгузорӣ мешавад.

Линки саволнома:

https://docs.google.com/forms/d/1pIk7sJU1FSpPjKFUQDCu_UISis-nRag8ksWl6jhHh1U/

ФОРУМИ ДУЮМИ ОСИЁИ МАРКАЗӢ ОИД БА ИДОРАКУНИИ ИНТЕРНЕТ

22-23 июни соли 2017

Душанбе, Тоҷикистон

      Мақсади асосии Форуми дуюми Осиёи Марказӣ оид ба Идоракунии Интернет – ин ташкил намудани майдони кушода барои баррасии масъалаҳои сиёсӣ оид ба идоракунии Интернет дар кишварҳои Осиёи Марказӣ мебошад. Дар форум масъалахои амнияти киберӣ ва танзими озоди Интеренет, рушди индустрияи DNS ва дастраси ба Интеренет, инчунин усулҳои глобали ва миллии идоракунии Интеренет муҳокима мегарданд.

Read More

ДАР БОРАИ СИЛСИЛАИ МОДУЛҲО

Дар «қарни иттилоотии» муосир, дастрасии осон ба иттилоот тарзи ҳаёт, кор ва бозии моро тағйир медиҳад. «Иқтисоди рақамӣ», ки низ бо истилоҳҳои «иқтисоди дониш», «иқтисоди шабакавӣ» ё «иқтисоди нав» маъмул аст, бо гузариш аз истеҳсоли молҳо ба эҷоди ақидаҳо хос аст. Ин инкишоф, агарчӣ ҳоло асосӣ набошад ҳам, болоравии нақши технологияҳои иттилоотиву коммуникатсиониро (ТИК) дар иқтисод ва умуман ҷомеа таъкид менамояд.

Read More

Одобномаи шаҳрванди электронӣ (эТИКет)

Ҳадафи асосии Одобномаи шаҳрванди электронӣ (эТИКет) – пиндори нек, гуфтори нек, кирдори нек дар фазои виртуалӣ низ, новобаста аз макону замон, мебошад. Аз ин рӯ мо, аъзои ҷомеаи иттилоотии рақамӣ,одобномаи шаҳрванди электрониро пазируфта, бар онем,

Read More

ҚОНУНИ ҶУМҲУРИИ ТОҶИКИСТОН ДАР БОРАИ ҲУҚУҚИ ДАСТРАСӢ БА ИТТИЛООТ

Моддаи 1. Мақсади Қонуни мазкур

Мақсади Қонуни мазкур фароҳам овардани шароити ҳуқуқӣ барои амалӣ гардонидани ҳуқуқи ҳар шаҳрванд ба ҷустуҷӯи озодонаи иттилоот ва ба даст даровардани он, ҳамчунин таъмини ошкорои иттилоотии фаъолияти мақомоти давлатӣ ва ташкилоту мақомоти худидоракунии шаҳрак ва деҳот мебошад.

На русском языке

Бо забони тоҷикӣ

 

ҚОНУНИ ҶУМҲУРИИ ТОҶИКИСТОН ДАР БОРАИ ИТТИЛООТОНӢ

(Қонуни ҶТ аз 26.12.2005 № 124)

Қонуни мазкур муносибатҳои ҳуқуқиеро, ки дар рафти ташаккулу истифодаи иттилооти ҳуҷҷатшуда ва манбаю захираҳои иттилоот ба миён меоянд, офаридани технологияҳои иттилоотӣ, шабакаву системаҳои автоматиконидашудаи иттилоотро танзим мегардонад, тартиби муҳофизати захираи иттилоот, инчунин ҳуқуқ ва вазифаҳои субъектҳоеро, ки дар равандҳои иттилоотонӣ ширкат меварзанд, муайян мекунад.

На русском языке

Бо забони тоҷикӣ